طريقة كتابة ال CV

جمعتلكم شوية حاجات كدا تاخدوا بالكم منها تعالوا نشوف اي هي🤔🤔

بياناتك الشخصية

كل حاجة لوحدها ف سطر متستخسرش😂

اسمك في نص الصفحة 

عنوانك

الايميل يكون فورمال اللي هو اسمك يعني الحقيقي بلاش اسماء دلع😂🤦🏻‍♀️

رقم الموبايل 

لو عندك LinkedIn حطه و يا سلام لو بروفايل قوي وعليه كل معلوماتك 

career objective

الجزء دا مهم جدا عشان هو اللي هيخلي ال HR ياخد خطوة انه يكمل فلترة ال CV ولا لا 

طب هنعمل اي🤔🤔🤔

بتوضح فيه لل HR انت مين مهنيا وبتقول خبراتك ومعرفتك ولو اخدت شهادات دولية تقولها وكمان اي مهاراتك ، بتقول بتقدم ع position اي وهيضيفلك اي في مجالك وكل دا في ٣ او ٤ سطور بس 😁

اه والله بس😂😂

طبعا كل ما هتقدم ع وظيفة مختلفة الجزء دا بيختلف ع اساس الوظيفة 

Education 

قول كل حاجة عن تعليمك ، لو اخدت كمان Master او دكتوراه بتقولها هنا والترتيب من الاحدث للأقدم طبعا (فوق أحدث وتحته اقدم) هتقول كمان اسم الجامعة ومكانها والتاريخ والكلية والقسم والتقدير ولو في مشروع تخرج بتضيف اسمه والتقدير .

work experience

بتكتب الشركات اللي اشتغلت فيها 

( اسمها _ مكانها _ تاريخ الدخول والخروج ) هتقول كمان المهام اللي كنت مسؤول عنها في الشغل باختصار 

وطبعا مننسااااش من الاحدث للأقدم😂😂👌🏻هفضل اقولها كل شوية 

طب لو انا طالب يا اية 🤔🤔

يبقا هنحط مكان الحاجات دي الانشطة الطلابية والتطوعية بنفس الطريقة 

ملحوظة 

ممكن لو انا طالب وعاوز احط الانشطة الطلابية دي ف سيكشن تاني اسمه extracurricular activities حطها طبعا وهنكنسل ال work experience خالص عادي جدا 

طب لو انا عندي خبرة شغل ودخلت انشطة طلابية كمان يا اية 🤔

عادي حط ال٢

هتكتب الاول work experience 

وبعدها الانشطة الطلابية بقا

طيب يلا نكمل👏🏻👏🏻👏🏻

Internships

مهم جدا للطلاب التدريب الصيفي في الشركات او البنوك ، بتكتب اسم الشركة ومكانها والتاريخ ولو عاوز تكتب مهام اكتب 

اللي يريحك 

Courses

هنكتب اسم الكورس ومكانه وتاريخه 

(مش هنكتب محتوي الكورس ولا اي حاجة من دي ) سواء كورسات اونلاين او اوفلاين .